ഓഫീസില്‍ നിന്നു വന്നു കയറിയതെ ഉള്ളൂ.
ഭാര്യയെ ഒന്ന് നോക്കി
ആകെ ഒര് അങ്കലാപ്പ്..
ഞാന്‍ - ഉമം എന്താ -
അവള്‍ - ങേ ? ഇന്ന് നേരത്തെ എത്യോ ..
ഞാന്‍ - ങാ .
അവള്‍ - ഇന്നലെ ഇതിനെ പിടിച്ചേ ..
ഞാന്‍ - ഏതിനെ -
(കയ്യിലേക്ക് കുഞ്ഞിനെ തരുന്നു , എന്നിട്ട് വശ്യമായി ഒര് പുഞ്ചിരി സമ്മാനിച്ചു )
ഞാന്‍ എന്‍റെ ആത്മഗതത്തിലേക്ക് തിരിഞ്ഞു നോക്കിയപ്പോള്‍ അത് ഇങ്ങനെ കാണപ്പെട്ടു ..
" ഓ ഇന്ന് കോള് തന്നെ ,സമാധാനമായി .. "
അതിന്റെ സുഖത്തില്‍ ഞാന്‍ അങ്ങനെ വിലസവേ ,
അവള്‍ - അതേയ് ഇങ്ങട് നോക്ക്യേ ..
(ഒര് മന്ദഹാസത്തോടെ, ( ചെറിയൊരു ശ്രുങ്ങാര ചുവ ഉണ്ടോ എന്നാ സംശയം വായനക്കാരന് ഉണ്ടാകാവുന്നതാണ് )
തിരിഞ്ഞു നോക്കി
ഞാന്‍ - എന്തേ ?
അവള്‍ - അപ്പൊ മോനീം നോക്കീട്ടു ധിവിടിരിക്കീട്ടാ . ഞാന്‍ ദിപ്പോ വരാം
ഞാന്‍ - എങ്ങടാന്ടീ ?
(പുറത്തെയ്ക്ക് നടക്കുന്നതിനിടെ)
അവള്‍ -ധാ റെഡ് ആപ്പ്ള്‍ വരെ
ഞാന്‍ - റെഡ് ആപ്ലാ ? എന്തൂട്ടാണ് അത് സാധനം ?
അവള്‍ - നല്ല കൂത്ത് , റെഡ് ആപ്പ്ള്‍ അറിയില്ലേ ,, ന്നാ വേണ്ട . .
(അവള്‍ മുഖം കുറച്ചൊന്നു കടുപ്പിച്ചു എന്നാ തോന്നല്‍ എനിക്ക് ദൈവം എനിക്ക് കൃത്യം അയച്ചു തന്നു)
ഞാന്‍ - എയ് നീ പറയ്‌ ..
( അല്പം ഗൌരവത്തില്‍ )
അവള്‍ - ആ.. ഞാനേ അവടയ്ക്കു പോയിട്ട്ട് ഈ പിരികം ഒക്ക്യോന്നു വടിച്ച്‌, ഒര് പെടി കൂറും , മ്യാനിക്കൂറും ചെയ്തട്ടു , സമയന്ടെങ്ങെ മുടി ഒന്ന് സ്ട്രെയ്ട്ടും ചീത്, മോഗത്ത് ഒര് ഫേഷ്യലും , ബ്ലീച്ചും ഇട്ടട്ട് വേഗം വരുണ്ട്‌. ഒര് മൂന്നു നാല് മണി കൂറ് മാക്സിമം .. വേഗം വരുണ്ട്‌ ട്ടാ..
പിന്നെ കതകു തുറന്നടഞ്ഞു.മോനെയും കയ്യിലേന്തി , അടുക്കളയിലേക്കു നടക്കവേ ഞാന്‍ ചിന്തിച്ചു ..
ഒര് കട്ടന്‍ ചായയ്ക്ക് ഇപ്പൊ എത്ര സ്പൂണ്‍ ചായല്യാ ഇട്വാ ?
No comments:
Post a Comment