രക്തം പുരണ്ട അടിമ ജീവിതങ്ങള്‍

സ്വന്തം മണ്ണ് എന്നും മനുഷ്യന് ഒടുങ്ങാത്ത ഹരം മാത്രമാണ് നല്‍കിയിട്ടുള്ളത്, അവന്‍റെ ജീവിതവും മരണവും മണ്ണുമായി ബന്ധപ്പെട്ടു  കിടക്കുന്നു . മണ്ണിനായുള്ള പടയോട്ടങ്ങള്‍ ആണ് അവന്‍റെ ചരിത്രത്തിന്റെ താളുകളെ   രക്ത പങ്കിലമാക്കിയിട്ടുള്ളത് .ടിപ്പുവിന്റെയും അലക്സാണ്ടരിന്റെയും പടയോട്ടങ്ങളില്‍ ഭൂമി വെട്ടിപ്പിടിക്കാനുള്ള അദമ്യമായ ത്വര ചരിത്രം രേഖപ്പെടുത്തുന്നു . ആഫിക്കയിലെ  ഒര്  ഷോന ഐതിഹ്യം ഇങ്ങനെ രേഖപ്പെടുത്തുന്നു 
" ഭൂമിയ്ക്ക് വേണ്ടി ജനങ്ങള്‍ ചിന്തിയ രക്തം കൊണ്ട് ചുവന്നതാണ് ആഫ്രിക്കയുടെ മണ്ണ് " എത്ര ശരി . 

( the shona legend. The Shona people are found in South western Zimbabwe and Botswana ,Mozambique, South Africa,Namibia and are classified as Western Shona (Bakaranga) and eastern Shona. The western Shona are called the Bakaranga and is agreed that it is the oldest Shona cluster. )

സിയറ ലിയോണിലെ ആഭ്യന്തര യുദ്ധത്തിന്റെയും , രാഷ്ട്രീയ അരാജകത്വത്തിന്റെയും പശ്ചാത്തലത്തില്‍ 2006 ഇല്‍ പുറത്തു വന്ന സിനിമയാണ് എഡ്വാര്‍ദ്  സ്വിക്ക് (Edward Zwick) സംവിധാനം നിര്‍വഹിച്ച " Blood Diamond "എന്ന ചിത്രം .പേര് സൂചിപ്പിക്കുന്ന പോലെ രക്ത വൈഡൂര്യ ത്തിന്റെ  കഥ . ആഫ്രിക്കയുടെ യുദ്ധഭൂമികളില്‍ , കലാപങ്ങള്‍ക്കിടയില്‍ , അടിമകളും ,അഗതികളും യുദ്ധത്തടവുകാരുമായ അശരണര്‍ ഡയമണ്ട് പാടങ്ങളില്‍ , രക്തം വിയര്‍ത്ത കഥ . അവര്‍ കുഴിച്ചെടുത്ത വൈഡൂര്യ ങ്ങള്‍  അനധികൃതമായി  കയറ്റിയയച്ചു,യുദ്ധങ്ങളെ പ്രീനിപ്പിക്കുന്നവര്‍ക്കും (war lords ) മാഫിയകള്‍ക്കും  വിറ്റ് യുദ്ധ മുതലാളിമാര്‍ പണം കൊയ്തു. ആഫ്രിക്കയുടെ മണ്ണില്‍ അറ്റുപോയത് കുടുംബങ്ങളും സമാധാനവുമായിരുന്നു . സ്വന്തം ജീവിതവും , മണ്ണും അവര്‍ പണയം വച്ചു  ജീവിച്ചു പോന്നു. 

സോളമന്‍ വാന്റി ഒര് മീന്പിടുത്തക്കാരനാണ് .സിയറ ലിയോണില്‍ 1992 ഇല്‍ പൊട്ടി പ്പു റ പ്പെട്ട ആഭ്യന്തര  യുദ്ധത്തില്‍ വാന്റി  RUF ന്‍റെ (Revolutionary United Front) തടവുകാരനായി പിടിക്കപ്പെടുന്നു .അവന്‍റെ  കുടുംബം ചിതറി പ്പോകുന്നു .ക്യാപ്ടന്‍ പൊയ്സന്‍ എന്ന മുതലാളിയുടെ ഡയമണ്ട് പാടത്തില്‍ വാന്ടിയെ ജോലിക്കായി നിയോഗിക്കുന്നു  ഒര് നാള്‍  അസാധാരണം വിധം വലുപ്പമുള്ള ഒര് പിങ്ക് ഡയമണ്ട് അവന്‍ കണ്ടെത്തുന്നു, തനിക്കും കുടുംബത്തിനും എന്നെങ്കിലും ഒര് "fortune " ആയി ഉപയോഗിക്കാന്‍ അവന്‍ അത് വായില്‍ ഒളിപ്പിച്ചു കടത്തി, ഒര് നദീ തീരത്ത്‌ കുഴിച്ചിടുന്നു. നാടകീയമായി ക്യാപ്ടന്‍ ഇത് കണ്ടെത്തുന്നു . പക്ഷെ , വാന്ടിയെ വിചാരണ ചെയ്യുന്നതിന് മുന്‍പ് , സിയറ ലിയോണ്‍ ആര്‍മി ഖനന മേഖലയില്‍ ആക്രമണം നടത്തുന്നു . ഭീകരമായ അന്തരീക്ഷം  സിനിമയുടെ ഫ്രെയിമില്‍. വാന്റിയെയും , ക്യാപ്ടനെയും അടക്കം ആര്‍മി തടവുകാരാക്കി ഫ്രീ ടൌണിലേക്ക് കൊണ്ടുപോകുന്നു.

രോടെഷ്യയില്‍ നിന്നു ഡയമണ്ട് സ്മഗ്ലര്‍ ഡാനി ആര്‍ച്ചര്‍ കഥയിലേക്ക് പ്രവേശിക്കുന്നു . ലൈബീരിയയിലേക്ക് ഡയമണ്ട് കടത്താണ്‌ പ്രധാന പണി. ഒരിക്കല്‍, പിടിക്കപ്പെട്ടു, ഡാനിയും വാന്ടിയുടെ തുറുങ്കില്‍ അകപ്പെടുന്നു. അവിടെ വച്ചു പിങ്ക് ഡയമണ്ട് ഒളിപ്പിച്ചു വച്ച   കഥ ഡാനി അറിയുന്നു. ജയിലില്‍ നിന്നു രക്ഷിച്ചു , ആഫ്രിക്ക വിട്ട് കുടുംബത്തോടൊപ്പം പലായനം ചെയ്യുന്നതിന് സഹായിക്കാം    എന്നും അതിനു പ്രതിഫലമായി പിങ്ക് ഡയമണ്ട് കൊടുക്കുവാനും ഡാനി ആവശ്യപ്പെടുന്നു. മനുഷ്യന്റെ ജീവിതത്തില്‍ ധനത്തിന് വിലയില്ലാതാകുന്ന സന്ദര്‍ഭങ്ങള്‍ ഓര്‍മിപ്പിച്ചു കൊണ്ട് വാന്റി സംമ്മതിക്കുന്നു . ദാനിയുടെ "പിടിപാട് ബലം" കൊണ്ട് രണ്ടു പേരും രക്ഷപ്പെടുന്നു. തല്‍ക്കാലത്തേയ്ക്ക് വാന്റി ഒര് ഹോട്ടലില്‍ ജോലിയില്‍ പ്രവേശിക്കുന്നു . ഇതേ സമയം വാന്ടിയുടെ മകന്‍ കുഞ്ഞു ദയയെ ക്യാപ്ടന്‍ റിബല്‍ ആക്കുന്നു , അവന്‍റെ മനസ്സില്‍ കൊലപാതകത്തിന്റെയും , വെറുപ്പിന്റെയും വിത്ത് പാകുന്നു അയാള്‍ . ദയ ഒര് ചാവേര്‍ ആയി മാറുന്നു. 

ഡാനി ദക്ഷിണാഫ്രിക്കയില്‍ ചെന്ന് തന്റെ കൂട്ടാളിയായ കൊയ്റ്സിയെ കഥകള്‍ അറിയിക്കുന്നു . പണ ക്കൊതിയനായ  അയാളും പിങ്ക് ഡയമണ്ട്  ഇല്‍ നിന്നു  ഒര് പങ്ക് ആവശ്യപ്പെടുന്നു. അത് സമ്മതിച്ചു , കിട്ടുന്ന പകുതി സ്വന്തമാക്കി ഈ ഇരുണ്ട ഭൂഗണ്ഡം എന്നെന്നേയ്ക്കുമായി ഉപേക്ഷിക്കാന്‍ ഡാനി തയാറെടുക്കുന്നു .പ്രതീക്ഷകളെ തകിടം മറിച്ച് , റിബല്‍ സൈന്യം    വീണ്ടും കനത്ത ഒര് ആക്രമണത്തിലൂടെ  പാടങ്ങള്‍ പിടിച്ചെടുക്കുന്നു . പത്രപ്രവര്‍ത്തകയായ മാഡിയുടെ സഹായത്തോടെ രക്ഷപ്പെടാന്‍ വാന്റിയ്ക്കും ദാനിയ്ക്കും സാഹചര്യം ഒത്തു കിട്ടുന്നു. പിങ്ക് ദയമാണ്ടിന്റെ കഥയാണ് പകരം മാഡി ആവശ്യപ്പെടുന്നത് . പത്ര പ്രവര്‍ത്തക  സംഘം റിബല്‍ ആക്രമണത്തില്‍ പെടുന്നു . മാഡി കുറച്ചു വെള്ളക്കാരുമായി ഓടി രക്ഷപ്പെടുന്നു. ദാനിയും വാന്റിയും തിരികെ ഡയമണ്ട് പാടത്ത് എത്തുന്നു . 


ഒര് കൂറ്റന്‍ ഹെലികൊപട്ടരില്‍ എത്തി കൊയ്റ്സീ ആകാശത്തു നിന്നു പാടങ്ങള്‍ക്കു മുകളില്‍ ആക്രമണം നടത്തുന്നു . കലാപം നിറഞ്ഞ അന്തരീക്ഷത്തിനിടെ വീണു കിട്ടിയ അവസരത്തില്‍ , ഒര് ഷവല്‍ കൊണ്ട് അടിച്ചു , വാന്റി ക്യാപ്ടന്‍ പോയിസനെ കൊല്ലുന്നു. റിബല്‍ സേന   കാട്ടിലേക്ക് ഓടി രക്ഷപ്പെടാന്‍ ശ്രമിക്കുന്നു എങ്കിലും  ഭൂരിഭാഗം പേരും കൊല്ലപ്പെടുന്നു . കോട്സീ,  ദയയെയും വാന്റിയെയും പിങ്ക് ഡയമണ്ട് കിട്ടിയ ഉടന്‍ കൊല്ലുമെന്ന് മനസ്സിലാക്കിയ ഡാനി , കയ്റ്സിയേ കൊല്ലുന്നു , ഒപ്പം മാരകമായി മുറിവെല്ക്കപ്പെടുകയും  ചെയ്യുന്നു , ഒര് തോക്ക് പിടിച്ചെടുത്ത ദയ അത് സ്വന്തം അച്ഛന് നേരെ ചൂണ്ടുന്നു . 

മകന്‍ ദയയുമായി  വാന്ടിയുടെ  അതി സംഭ്രമാകാത്മകമായ ഒര്  സംഭാഷണ  രംഗം ഇനി കാണാം . കുരുന്നു മനസ്സുകളില്‍ കുത്തി വയ്ക്കപ്പെടുന്ന വിഷത്തിന്റെ  കാഠിന്യം നമുക്ക് സംവിധായകന്‍ വരച്ചു കാട്ടി തരുന്നു .  സിയറ ലിയോണ്‍ പോലുള്ള രാജ്യങ്ങള്‍ കുട്ടികള്‍ റിബല്‍ സൈന്യത്തിനായി ഉപയോഗിക്കുന്നതിന്റെ ഭീകരതയാണ് സംവിധായകന്‍ ചൂണ്ടിക്കാണിച്ചു തരുന്നത് .  മുറുകിയ പേശി കളുമായി വാന്റി മകനെ  പറഞ്ഞു തിരുത്തുന്നു , മനസ്സുമാറിയ  കുട്ടി അച്ഛനെ മുറുകെ പ്പു ണ രുന്നു . 

നേരത്തെ പറഞ്ഞു നിറുത്തിയ ഒര് വിമാനത്തില്‍ വാന്റിയും ദയയും രക്ഷപ്പെടുന്നു. പിങ്ക് ഡയമണ്ട് വാന്ടിയെ തിരികെ ഏല്‍പ്പിച്ചു , അത് കൊണ്ട് സുഖമായി കാലം കഴിക്കാന്‍ ഡാനി ആവശ്യപ്പെടുന്നു . ഒര് പിടി ചുവന്ന്‍ മണ്ണ് കയ്യില്‍  വാരിയെടുത്തു  , അത് തന്റെ രക്തക്കറ യാണ് എന്നു  മനസ്സിലാക്കി ഡാനി മരിച്ചു വീഴുന്നു . മനുഷ്യന്‍ ഒന്നുമില്ലാതെ തിരികെ മണ്ണിലേയ്ക്കു മടങ്ങുന്നു 
വാന്റി  ടിയാര ഡയമണ്ട് കമ്പനിയുടെ രൂപ്പര്‍ത്റ്റ് സിംമാന്സിനെ കണ്ടുമുട്ടുന്നു . തന്നെയും കുടുംബത്തെയും ഇങ്ങ്ലണ്ടില്‍  എത്തിക്കാം എന്നാ വാഗ്ദാനത്തിനു  പകരം വാന്റി പിങ്ക് ഡയമണ്ട് കൊടുക്കാന്‍ സമ്മതിക്കുന്നു . ഇത് ക്യാമറയില്‍ പകര്‍ത്തിയ മാഡി അത് പ്രസിധ്ദീകരിക്കുന്നു , രക്തം പുരണ്ട ഈ ദയമാണ്ടുകളുടെ കഥ പുറത്തു വരുന്നു .  സംഭവ ബഹുലമായ ഈ കഥ പറയുവാന്‍ വാന്റി ഒര് സമിതിയ്ക്ക് മുന്നില്‍ ഹാജരാകുന്നിടത്തു സിനിമ അവസാനിക്കുന്നു .
ജീവിത യാതര്ത്യങ്ങള്‍ അതേപടി ചിത്രീകരിക്കുന്നതില്‍ സംവിധായകന്‍ വിജയം കണ്ടു . ദാനിയായി ലിയോനാര്‍ദോയും( Leonardo DiCaprio),വാന്റിയായി ജ്മോന്‍ ഹോവൂന്‍സോയും(Djimon Hounsou) ഒന്നാന്തരം അഭിനയ മുഹൂര്‍ത്തങ്ങള്‍ കാഴ്ച   വയ്ക്കുന്നു .. 

http://www.youtube.com/watch?v=DMc7Rj_iWzQ&feature=related